Main Home | Feedback | Contact Mangalam
Ads by Google

അതിഥിയെ യാത്രയാക്കാന്‍പോയ ഇരട്ടക്കുട്ടികളില്‍ ഒരാള്‍ വെള്ളത്തില്‍വീണ്‌ മരിച്ചു

mangalam malayalam online newspaper

കുമരകം: അതിഥിയെ യാത്രയാക്കാന്‍ പോയ നാലുവയസുകാരായ ഇരട്ടക്കുട്ടികളില്‍ ഒരാള്‍ വെള്ളത്തില്‍ വീണുമരിച്ചു. പെരുമ്പളത്തുശേരി ജിജു- സൗമ്യ ദമ്പതികളുടെ മകന്‍ ജയിംസ്‌ ജിജു ജോര്‍ജ്‌ (മാത്തു) ആണ്‌ മരിച്ചത്‌. ഇന്നലെ ഉച്ചകഴിഞ്ഞു മൂന്നിന്‌ വീടിനു സമീപമുള്ള കായല്‍കടവിലാണ്‌ സംഭവം.
ഉച്ചകഴിഞ്ഞ്‌ വീട്ടിലെത്തിയ അതിഥിയെ യാത്രയാക്കാനാണ്‌ പിതൃമാതാവിനൊപ്പം ജിജുവിന്റെ മക്കളായ ജയിംസും ജയിനും ഏഞ്ചലും കായല്‍കടവില്‍ പാര്‍ക്ക്‌ ചെയ്‌തിരുന്ന വാഹനത്തിനു സമീപം എത്തിയത്‌. അതിഥി പുറപ്പെട്ട ഉടനെ കുട്ടികള്‍ വീട്ടിലേക്ക്‌ ഓടിപ്പോയി. പിന്നാലെയെത്തിയ മുത്തശി മാത്തുവിനെ വീട്ടില്‍കണ്ടില്ല. തിരികെ കടവിലെത്തിയപ്പോള്‍ സമീപവാസി വെള്ളത്തില്‍നിന്നു കുട്ടിയെ കരയ്‌ക്കു കയറ്റുന്നതാണ്‌ കണ്ടത്‌. ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.
കുട്ടികളുടെ മാതാപിതാക്കളായ ജിജുവും സൗമ്യയും സൗദിയില്‍ നഴ്‌സുമാരാണ്‌. കുമരകം മരിയഭവന്‍ ഇംഗ്ലീഷ്‌ മീഡിയം സ്‌കൂളിലെ യു.കെ.ജി. വിദ്യാര്‍ഥിയാണ്‌ മാത്തു. സ്‌കൂള്‍ യൂണിഫോം വാങ്ങി എത്തിയതിനു പിന്നാലെയാണ്‌ ദുരന്തം. ജയിംസ്‌, ജയിന്‍ എന്നിവരെ വളര്‍ത്തുന്നത്‌ ജിജുവിന്റെ മാതാപിതാക്കളാണ്‌. ഗള്‍ഫില്‍ പിറന്ന ഇളയ കുട്ടി നാലുമാസംപ്രായമുള്ള ജോജിയുടെ മാമോദീസ നടത്തുന്നതിനായി ജിജുവും സൗമ്യയും ഡിസംബറില്‍ അവധിക്ക്‌ വരാന്‍ ഒരുക്കങ്ങള്‍ നടത്തിവരികയായിരുന്നു. ജയിംസിന്റെ സംസ്‌കാരം പിന്നീട്‌.

Ads by Google

നിങ്ങളുടെ അഭിപ്രായങ്ങള്‍
ഇവിടെ കൊടുക്കുന്ന അഭിപ്രായങ്ങള്‍ മംഗളത്തിന്റെ അഭിപ്രായമാവണമെന്നില്ല.

PLEASE NOTE
അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. ഇംഗ്ലീഷില്‍ ടൈപ് ചെയ്ത് മലയാളമാക്കാനുള്ള സംവിധാനം ഏര്‍പ്പെടുത്തിയിട്ടുണ്ട് ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Ads by Google
Back to Top