Main Home | Feedback | Contact Mangalam
Ads by Google

ഓട്ടോയില്‍ പ്രസവം: മാതാപിതാക്കള്‍ സ്‌കൂള്‍ വിദ്യാര്‍ഥികള്‍

mangalam malayalam online newspaper

മലപ്പുറം: ചോരക്കുഞ്ഞിനെ ഓട്ടോയില്‍ പ്രസവിച്ച അമ്മയും കുഞ്ഞിന്റെ പിതാവും പ്രായപൂര്‍ത്തിയാവാത്ത സ്‌കൂള്‍ വിദ്യാര്‍ഥികള്‍. വ്യാഴാഴ്‌ച മഞ്ചേരി മെഡിക്കല്‍ കോളജ്‌ പരിസരത്ത്‌ ഉപേക്ഷിക്കപ്പെട്ട നിലയില്‍ കണ്ടെത്തിയ നവജാത ശിശുവിന്റെ മാതാവിനേയും കാമുകനേയും തിരിച്ചറിഞ്ഞെന്ന്‌ ചൈല്‍ഡ്‌ വെല്‍ഫയര്‍ കമ്മിറ്റി.

അഞ്ചിന്‌ രാത്രി പത്തരയോടെ കുഞ്ഞിനെ ഉപേക്ഷിക്കാനായി ഓട്ടോയില്‍ കൊണ്ടുപോകുന്നതിനിടയിലാണു സാമൂഹ്യപ്രവര്‍ത്തകന്റെ ശ്രദ്ധയില്‍പ്പെട്ടതും ജുവനൈല്‍ ജസ്‌റ്റിസ്‌ അംഗങ്ങളുടെ സംരക്ഷണത്തില്‍ വരുന്നതും. അശാസ്‌ത്രീയ പ്രസവം കാരണം പരുക്കുകള്‍, ശ്വാസതടസ്സം, മഞ്ഞപ്പിത്തം, ഭാരക്കുറവ്‌, ന്യൂമോണിയ തുടങ്ങിയവ മൂലം അവശനിലയിലായ ആണ്‍കുഞ്ഞിനെ മെഡിക്കല്‍കോളജ്‌ ആശുപത്രിയിലെ കുഞ്ഞുങ്ങള്‍ക്കുള്ള തീവ്രപരിചരണ വിഭാഗത്തില്‍ പ്രവേശിപ്പിച്ചു. നാലു ദിവസംകൊണ്ടു കുഞ്ഞിന്റെ രോഗം ഭേദപ്പെട്ടുവെന്ന്‌ അധികൃതര്‍ പറഞ്ഞു. പ്രായപൂര്‍ത്തിയാവാത്ത സ്‌കൂള്‍ കുട്ടികളാണ്‌ കുഞ്ഞിന്റെ മാതാപിതാക്കള്‍. പ്രസവ സമയം ഇവര്‍ക്കു പുറമേ കാമുകന്റെ സുഹൃത്തുമുണ്ടായിരുന്നു ഓട്ടോയില്‍.

മലപ്പുറം ജില്ലയിലെ തീരപ്രദേശത്തോടു ചേര്‍ന്നുള്ള നഗരവാസികളാണ്‌ ഇവരെന്നാണറിയുന്നത്‌. മെഡിക്കല്‍ കോളജിലെ അമ്മത്തൊട്ടിലില്‍ ഉപേക്ഷിക്കാനാണ്‌ ഇവര്‍ കുഞ്ഞുമായി മഞ്ചേരിയിലെത്തിയത്‌. അധികൃതര്‍ക്കു കുഞ്ഞിനെ ലഭിക്കുമ്പോള്‍ ഒരു ദിവസം പ്രായമായിട്ടേയുള്ളൂ. ചൈല്‍ഡ്‌ വെല്‍ഫയര്‍ കമ്മിറ്റിയുടെ ഇന്നു നടക്കുന്ന സിറ്റിംഗില്‍ രക്ഷിതാക്കളുടെ വിവരങ്ങള്‍ ചര്‍ച്ച ചെയ്ും. പ്രായയപൂര്‍ത്തിയാകാത്തതിനാല്‍ ഇവരുടെ വിവരങ്ങള്‍ നല്‍കാനാവില്ല. നാലു വര്‍ഷങ്ങള്‍ക്കു മുമ്പ്‌ ഉദ്‌ഘാടനം ചെയ്‌ത അമ്മത്തൊട്ടിലില്‍ ഇതേ വരെ ഒരു കുഞ്ഞും കിടന്നിട്ടില്ല. അമ്മത്തൊട്ടിലിന്റെ സംരക്ഷണത്തിലും മെഡിക്കല്‍ കോളജ്‌ അധികൃതര്‍ ശ്രദ്ധിക്കുന്നില്ല.

Ads by Google

നിങ്ങളുടെ അഭിപ്രായങ്ങള്‍
ഇവിടെ കൊടുക്കുന്ന അഭിപ്രായങ്ങള്‍ മംഗളത്തിന്റെ അഭിപ്രായമാവണമെന്നില്ല.

PLEASE NOTE
അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. ഇംഗ്ലീഷില്‍ ടൈപ് ചെയ്ത് മലയാളമാക്കാനുള്ള സംവിധാനം ഏര്‍പ്പെടുത്തിയിട്ടുണ്ട് ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Ads by Google
Back to Top