Last Updated 1 year 14 weeks ago
Ads by Google
21
Thursday
September 2017

നഴ്‌സുമാര്‍ വസ്‌ത്രംമാറുന്ന മുറിയില്‍ ക്യാമറ; ആശുപത്രി ജീവനക്കാരന്‍ പിടിയില്‍

mangalam malayalam online newspaper

ന്യൂഡല്‍ഹി: നഴ്‌സുമാര്‍ വസ്‌ത്രംമാറുന്ന മുറിയില്‍ ഒളിക്യാമറ കണ്ടെത്തിയ സംഭവത്തില്‍ ആശുപത്രി ജീവനക്കാരനെ പോലീസ്‌ അറസ്‌റ്റ് ചെയ്‌തു. ന്യൂഡല്‍ഹി രോഹിണിയിലെ രാജീവ്‌ ഗാന്ധി കാന്‍സര്‍ ഇന്‍സ്‌റ്റിറ്റിയൂട്ട്‌ ആന്‍ഡ്‌ റിസെര്‍ച്ച്‌ സെന്ററുമായി ബന്ധപ്പെട്ടാണ്‌ വിവാദം. പുരുഷ വനിതാ നഴ്‌സുമാര്‍ വസ്‌ത്രം മാറുന്ന മുറിയിലെ മച്ചില്‍ ക്യാമറ സ്‌ഥാപിച്ചതായി കണ്ടെത്തുകയായിരുന്നു.

സംഭവത്തില്‍ ഹരിയാന സ്വദേശിയായ ആശുപത്രി ജീവനക്കാരന്‍ സന്ദീപ്‌ ശര്‍മ്മയെ ആണ്‌ അറസ്‌റ്റ് ചെയ്‌തിരിക്കുന്നത്‌. വസ്‌ത്രം മാറാനെത്തിയ മെയിന്‍ നഴ്‌സമാരില്‍ ഒരാള്‍ സീലിംഗില്‍ ക്യാമറ സ്‌ഥാപിച്ചിരിക്കുന്നത്‌ കാണുകയും ആശുപത്രി അധികൃതരെയും പോലീസിനെയും വിവരം അറിയിക്കുകയുമായിരുന്നു. തുടര്‍ന്ന്‌ പോലീസ്‌ നടത്തിയ പരിശോധനയില്‍ ക്യാമറയും അതിന്റെ ചിപ്പും കണ്ടെടുത്തു.

ആശുപത്രി ജീവനക്കാരെ ചോദ്യം ചെയ്‌തതില്‍ നിന്നാണ്‌ സന്ദീപ്‌ ശര്‍മ്മയാണ്‌ ക്യാമറ സ്‌ഥാപിച്ചതെന്ന്‌ മനസ്സിലായത്‌. നഴ്‌സിങ്‌ സഹായി എന്ന നിലയില്‍ ഇയാള്‍ ഒരുവര്‍ഷമായി ഇവിടെ ജോലിചെയ്‌തു വരികയായിരുന്നു. മെയില്‍ നഴ്‌സ്‌ മുറിയില്‍ എത്തുന്നതിന്‌ ഏതാനും മണിക്കൂറുകള്‍ മുമ്പ്‌ മാത്രമാണ്‌ ക്യാമറ സ്‌ഥാപിച്ചതെന്ന്‌ പരിശോധനയില്‍ കണ്ടെത്തി.

Ads by Google

നിങ്ങളുടെ അഭിപ്രായങ്ങള്‍
ഇവിടെ കൊടുക്കുന്ന അഭിപ്രായങ്ങള്‍ മംഗളത്തിന്റെ അഭിപ്രായമാവണമെന്നില്ല.

PLEASE NOTE
അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. ഇംഗ്ലീഷില്‍ ടൈപ് ചെയ്ത് മലയാളമാക്കാനുള്ള സംവിധാനം ഏര്‍പ്പെടുത്തിയിട്ടുണ്ട് ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Ads by Google
Back to Top