Last Updated 50 weeks 5 days ago
Ads by Google
30
Tuesday
May 2017

മോഡി-ഒബാമ ആലിംഗന ചിത്രത്തിന്‌ മാര്‍ക്ക്‌ സുക്കര്‍ബെര്‍ഗിന്റെ ലൈക്ക്‌

mangalam malayalam online newspaper

ന്യൂഡല്‍ഹി: അമേരിക്കന്‍ പ്രസിഡന്റ്‌ ബരാക്ക്‌ ഒബാമയെ പ്രധാനമന്ത്രി നരേന്ദ്ര മോഡി ആലിംഗനം ചെയ്‌ത് സ്വീകരിക്കുന്ന ചിത്രം സോഷ്യല്‍ മീഡിയയില്‍ തരംഗമാകുന്നു. പ്രധാനമന്ത്രിയുടെ ഔദ്യോഗിക ഫെയ്‌സ്ബുക്ക്‌ പേജില്‍ പോസ്‌റ്റ് ചെയ്‌ത ചിത്രത്തിന്‌ പത്ത്‌ ലക്ഷത്തിലധികം ലൈക്കുകള്‍ ലഭിച്ചിച്ചിട്ടുണ്ട്‌. ചിത്രത്തിന്‌ കാല്‍ ലക്ഷത്തിലധികം കമന്റുകളും ലഭിച്ചു. ചിത്രത്തിന്‌ ലൈക്ക്‌ ചെയ്‌തവരില്‍ ഫെയ്‌സ്ബുക്ക്‌ സ്‌ഥാപകന്‍ സാക്ഷാല്‍ മാര്‍ക്ക്‌ സുക്കര്‍ബെര്‍ഗും ഉള്‍പ്പെടുന്നു എന്നതാണ്‌ മറ്റൊരു കൗതുകം.

അതിഥി ദേവോ ഭവ, ഇന്ത്യയിലേക്ക്‌ സ്വഗതം തുടങ്ങിയ കമന്റുകളാണ്‌ ചിത്രത്തിന്റെ കമന്റ്‌ കോളത്തില്‍ നിറയുന്നത്‌. ഒബാമയുടെ ഇന്ത്യാ സന്ദര്‍ശനം ദേശീയ അന്തര്‍ദേശീയ മാധ്യമങ്ങള്‍ വലിയ പ്രാധാന്യത്തോടെയാണ്‌ റിപ്പോര്‍ട്ട്‌ ചെയ്യുന്നത്‌. ലോക നേതാക്കളുടെ കൂടിക്കാഴ്‌ചയുടെ വാര്‍ത്തയ്‌ക്കൊപ്പം ലോകത്തിലേറ്റവും വലിയ സോഷ്യല്‍ നെറ്റ്‌വര്‍ക്കിംഗ്‌ സൈറ്റിന്റെ സ്‌ഥാപകന്റെ ലൈക്കും ദേശീയ, അന്തര്‍ദേശീയ മാധ്യമങ്ങളില്‍ വര്‍ത്തയില്‍ ഇടം നേടുകയാണ്‌.

നരേന്ദ്ര മോഡി പ്രധാനമന്ത്രിയായി അധികാരമേറ്റ ശേഷം മാര്‍ക്ക്‌ സുക്കര്‍ബെര്‍ഗ്‌ ഇന്ത്യയിലെത്തി മോഡിയുമായി കൂടിക്കാഴ്‌ച നടത്തുകയും ഡിജിറ്റല്‍ ഇന്ത്യ പദ്ധതിയില്‍ ഉള്‍പ്പെടെ ഫെയ്‌സ്ബുക്കിന്റെ സഹകരണം വാഗ്‌ദാനം ചെയ്യുകയും ചെയ്‌തിരുന്നു.

Ads by Google

നിങ്ങളുടെ അഭിപ്രായങ്ങള്‍
ഇവിടെ കൊടുക്കുന്ന അഭിപ്രായങ്ങള്‍ മംഗളത്തിന്റെ അഭിപ്രായമാവണമെന്നില്ല.

PLEASE NOTE
അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. ഇംഗ്ലീഷില്‍ ടൈപ് ചെയ്ത് മലയാളമാക്കാനുള്ള സംവിധാനം ഏര്‍പ്പെടുത്തിയിട്ടുണ്ട് ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Ads by Google
Back to Top